Power situation nananatiling normal sa kabila ng nararanasang sama ng panahon – DOE
Binisita ni Department of Energy Secretary Sharon S. Garin ang energy command centers para personal na tignan ang power situation bunsod ng nararanasang pag-ulan dulot ng Habagat gayundin ang iniwang epekto ng bagyong Crising.
Ayon kay Garin, nananatiling normal ang power situation sa franchise area na sineserbisyuhan ng Meralco maliban lamang sa ilang lugar na nawalan ng suplay ng kuryente dahil sa pagbaha.
Sa command center naman ng National Electrification Administration, sinabi ni NEA Administrator Antonio Mariano Almeda na nagpapatuloy ang power restoration ng kanilang electric cooperatives kabilang ang sa Cordillera Administrative Region na pinakamatinding naapektuhan.
Anim na barangay sa Abra, Benguet, at Mountain Province ang wala pa ring suplay ng kuryente at apektado nito ang nasa 3,805 na consumer.
Samantala wala namang napaulat na napinsalang transmission lines ng National Grid Corporation of the Philippines, gayunman, patuloy ang pagbabantay nito sa sitwasyon at tiniyak ang agarang pagtugon kung kinakailangan. (DDC)
