Power supply sa mga customer ng Meralco na naapektuhan ng bumagsak na billboard sa Katipunan, naibalik na

Natapos na ng Meralco ang restoration ng kuryente sa tinatayang 1,600 customers nito sa Quezon City na naapektuhan matapos ang pagbagsak ng billboard sa Katipunan Avenue.

Ayon sa Meralco, fully restored na ang kuryente sa mga naapektuhan lugar matapos ang isinagawang magdamagang repair at clearing operations ng kanilang mga crew.

Sinabi ni Meralco Vice President and Head of Corporate Communications Joe R. Zaldarriaga, hinintay pa nilang matapos ang clearing operations sa bumagsak na billboard para tiyak na ligtas na maisasagawa ang pag-re-energize sa mga apektadong customer.

Humingi naman ng pang-unawa ang Meralco sa mga naapektuhang customer.

Kaugnay nito ay sinabi din ng Meralco na kasunod ng insidente, dapat na tiyakin ang tibay at kaligtasan ng mga istraktura gaya ng billboard para hindi na maulit ang nangyari. (DDC)