4 na national roads sarado sa mga motorista dahil sa epekto ng Bagyong Crising

Apat na national road sections sa Cordillera Administrative Region ang sarado sa mga motorista bunsod ng mga insidente ng pagbaha, pagguho ng lupa at road cut.

Sa update mula sa Department of Public Works and Highways kabilang sa isinara sa mga motorista ang sumusunod na kalsada:

– Apayao-Ilocos Norte Road
– Apayao-Ilocos Norte Detour Road
– Claveria-Calanasan-Flora-Lasam Road
– at Kennon Road

Mayroon ding anim na national road sections ang limitado lamang na nadaraanan kabilang ang tatlong kalsada sa Negros, dalawa sa Region III at isa sa Region IV-B.

Maliban sa mga nabanggit sinabi ng DPWH na lahat ng national roads at mga tulay sa bansa ay passable na sa lahat ng uri ng sasakyan. (DDC)