Water level ng La Mesa Dam tumaas pa; malapit na sa spilling level
Umangat pa sa 79.80 meters ang water level ng La Mesa Dam.
Sa dam situationer na inilabas ng PAGASA aapaw na ang tubig sa dam kapag umabot sa 80.15 meters ang water level nito.
Inaasahan pa rin ang mahina hanggang katamtamang pag-ulan sa Metro Manila ngayong araw ayon sa PAGASA.
Sakaling umapaw ang dam, maaapektuhan ng tubig mula dito ang Tullahan River.
Inabisuhan na ang mga residente sa Fairview, Forest Hills Subdivision, Quirino Highway, Sta. Quiteria at San Bartolome sa Quezon City; North Expressway at La Huerta Subdivision sa Valenzuela City; at ang mga taga-Malabon na mag-ingat sa posibleng pagbaha. (DDC)
