2 HVIs nadakip ng SPD; P1M na halaga ng shabu nakumpiska

Nadakip ng mga operatiba ng District Drug Enforcement Unit-Southern Police District (DDEU-SPD) ang dalawang high-value drug suspects at nakumpiska ang umano’y shabu na nagkakahalaga ng P1,020,000 sa isinagawang buy-bust operation sa likod ng isang fast-food chain na matatagpuan sa MLQ Street, Purok 1, De Guzman Compound. Barangay New Lower Bicutan, Taguig City.

Kinilala ang suspek na sina alyas Tol, 52-anyos; at alyas Melissa,41-anyos, kapwa residente sa Brgy. Usasan ng nasabing lungsod.

Batay sa ulat, nagkasa ng operasyon ang DDEU-SPD operatives sa koordinasyon ng District Intelligence Division (DID-SPD) at Sub-Station 9 ng Taguig City Police Station na nagresulta ng pagkaaresto ng suspek at nakuha mula rito ang 150 na gramo ng umano’y shabu, paper roll na nabalutan ng masking tape, envelope, buy-bust money, at orange Toyota Vios n may plakang NCI 5793 na isinasailalim lahat sa laboratory examination sa SPD Forensic Unit.

Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek sa Taguig City Prosecutor’s Office.

Pinuri ni SPD Acting District Director BGen Randy Y. Arceo, ang matagumpay na operasyon kontra illegal na droga at patunay lamang na naninindigan ang SPD sa pangako nito sa “Buhay Ingatan, Droga’y Ayawan” campaign ni Pangulong Ferdinand Marcos Jr.

“This operation is another clear message to drug personalities that there is no safe haven for their illegal activities in the southern metro. Our fight continues, and our people can count on the relentless efforts of SPD to protect our communities from the scourge of illegal drugs,” pahayag ng SPD Chief. (Bhelle Gamboa)