HVI arestado sa buy-bust sa Taguig; halos P400K na halaga ng shabu, nakumpiska
Bumagsak sa kamay ng Taguig City Police Station ang isang High-Value Individual (HVI) na nagresulta ng pagkakumpiska ng tinatayang 52.5 na gramo ng hinihinalang shabu na nagkakahalaga ng P357,000.00 sa ikinasang buy-bust operation sa Barangay Central Bicutan sa nasabing lungsod.
Ang suspek na si alyas Florentino, 56-anyos, ay inaresto sa paglabag sa kasong Comprehensive Dangerous Drugs Act of 2002.
Ayon sa report, isang miyembro ng operating team ang nakabili umano ng shabu mula sa suspek na sanhi ng kanyang agarang pagkaaresto.
Bukod sa umano’y ilegal na droga, nakumpiska ng otoridad ang buy-bust money, at pouch.
Tinurn-over ang narekober na ebidensiya sa SPD Forensic Unit upang suriin na gagamitin din s pgssampa ng kaso laban sa suspek sa Taguig City Prosecutor’s Office.
Pinuri ni BGen Randy Y. Arceo, Acting District Director ng Southern Police District,ang dedikasyon ng mga operatiba sa kampanya kontra ilegal na droga.
“This successful operation underscores our relentless effort to eliminate illegal drugs in our communities. Arresting high-value targets significantly disrupts the supply chain and sends a clear message that we will not tolerate the proliferation of illegal drugs in Taguig or any part of the district,” sabi ni BGen Arceo. (Bhelle Gamboa)
