Koponan ng India at Malaysia kinawawa ng PH Blu Girls sa ginaganap na Women Softball Asia Cup sa China
Nakapagtala ng dalawang magkasunod na panalo ang Philippine Blu Girls sa ikatlong araw ng ginaganap na Women Softball Asia Cup na ginaganap sa Xi’an, China.
Sa score na 15-0 ay tinalo ng Pilipinas ang koponan ng India.
Pinangunahan ni Jane Rivera Roma-Cruz ang opensa ng Blu Girls makaraang umiskor ng three runs.
Sa sunod na laban ay tinalo naman ng Blu Girls ang Malaysia sa score na 14-0.
Bago ito ay nabigo ang Pilipinas sa koponan ng world No. 2 na Japan sa score na 1-9.
Ang Women Softball Asia Cup ay qualifying round para sa 2026 World Cup at 2026 Asian Games. (DDC)
