PAGASA magtataas ng Signal No. 1 sa bahagi ng Cagayan Valley dahil sa bagyong Crising

Posibleng magtaas ng Tropical Cyclone Wind Signal No. 1 ang PAGASA sa bahagi ng Cagayan Valley dahil sa tropical depression Crising.

Sa 5PM weather bulletin ng PAGASA, ang bagyo ay huling namataan sa layong 625 kilometers East ng Virac Catanduanes.

Taglay nito ang lakas ng hangin na aabot sa 45 kilometers per hour malapit sa gitna at pagbugso na aabot sa 55 kilometers per hour.

Kumikilos ng bagyo sa bilis na 20 kilometers per hour sa direksyong West Southwest.

Ayon sa PAGASA, inaasahang lalakas ang bagyo at magiging Tropical Storm umaga ng Huwebes (July 17).

Habang nasa bahagi ng Philippine Sea, patuloy itong lalakas at magiging Severe Tropical Storm bago tuluyang lumapit sa Northern Luzon.

Posibleng mag-landfall ang bagyo sa mainland ng Cagayan o Babuyan Islands sa pagitan ng Biyernes (July 18) ng gabi at Sabado (July 19) ng umaga.

Dahil dito sinabi ng PAGASA na posibleng mamayang gabi o bukas ng umaga ay itataas na ang Tropical Cyclone Wind Signal No. 1 ang PAGASA sa Cagayan Valley.

Kung magpapatuloy naman ang westward movement ng bagyo ay maaaring magtaas din ng Signal No. 1 sa Catanduanes. (DDC)