Deployable Response Team inihanda ng Coast Guard sa Bicol Region dahil sa inaasahang epekto ng Bagyong Crising

Handa na ang mga tauhan at kagamitan ng Philippine Coast Guard sa Bicol para sa posibleng epekto ng bagyong Crising.

Iniiutos ni Coast Guard District Bicol (CGDBCL) Commander, Commodore Ivan Roldan ang pag-activate ng Deployable Response Group (DRG) ng lahat ng kanilang Stations, Sub-stations at Mobile Teams.

Ito ay para masiguro ang mabilis na pagresponde sakaling may maapektuhan ng bagyo.

Maliban sa mga tauhan, inihanda na din ang mga kagamitan, land assets at water assets ng Coast Guard sa rehiyon. (DDC)