Bagyong Crising posibleng umabot sa Typhoon category

Lalakas sa mga susunod na araw ang tropical depression Crising.

Sa 11AM weather bulletin ng PAGASA, ang bagyo ay huling namataan sa layong 725 kilometers East ng Virac Catanduanes.

Taglay nito ang lakas ng hangin na aabot sa 45 kilometers per hour malapit sa gitna at pagbugso na aabot sa 55 kilometers per hour.

Kumikilos ng bagyo sa bilis na 35 kilometers per hour sa direksyon pa-Kanluran.

Ayon sa PAGASA, bukas ng umaga lalakas ang bagyo at magiging Tropical Storm at aabot din sa Severe Tropical Storm sa Biyernes ng tanghali o gabi.

Hindi rin inaalis ng PAGASA ang posibilidad na mas lumakas pa ang bagyo at umabot pa sa Typhoon Category. (DDC)