DOH sa publiko: Ihanda na ang GO BAG dahil sa bagyong Crising

Pinayuhan ng Department of Health (DOH) ang mga mamamayan na maghanda sa posibleng maging epekto ng bagyong Crising.

Ayon sa PAGASA ang bagyo ay maaring magdulot ng kalat kalat na pag-ulan, pagkulog, at pagkidlat dahil na rin ng patuloy na pag-iral ng hanging habagat sa buong bansa.

Paalala ng DOH, habang maaga ay ihanda na ang Emergency GO BAG bilang parte ng maagap na preparasyon sa anumang sakuna.

Sinabi ng DOH na ang Go Bag ay dapat mayroong lamang pagkain, first aid, toiletries at iba pang mahahalagang gamit.

Para sa emergency, sinabi ng DOH na maaaring tumawag sa Emergency 911 at sa DOH Hotline 1555 Press 3. (DDC)