Tagapagsalita ng grupong “Kapatid” permanenteng pinagbawalang pumasok sa lahat ng piitan ng BuCor
Kinumpirma ng Bureau of Corrections (BuCor) na permanente nitong pinagbawalan ang tagapagsalita ng grupong Kapatid na si Fides Lim na pumasok o bumisita ng Persons Deprived of Liberty (PDLs) sa lahat ng kulungan ng ahensiya dahil sa paulit-ulit niyang paglabag sa mga corrections protocol at hindi magandang asal.
Base sa pinadalang sulat na may petsang Hulyo 12 ni Bucor Director General Gregorio Pio P. Catapang kay Justice Secretary Crispin Remulla na ang pagbabawal o prohibition laban kay Lim ay nagsimula noong Abril 29, 2025 matapos ang masusing imbestigasyon at maraming testimonya na nagbunyag sa ginawa niyang pagsuway, arogante, at nakagambala sa mga corrections officers kasama rito ang matataas na opisyal sa panahon ng kanyang mga pagbisita sa New Bilibid Prison.
Ayon sa BuCor si Lim ay nagpakita ng mga pagbalewala nito sa ipinapatupad na security measures at pagkainip sa proseso ng beripikasyon at kumpruntasyon sa otoridad.
Binanggit din ni Catapang ang mga mga sumusunod na insidente na dahilan ng permanenteng pagbawal kay Lim na pumasok sa mga piitan ng ahensiya:
* Noong Pebrero 25, 2024, si Lim ay arogante sa mga otoridad nang tumangging sumunod sa queuing procedures at nakialam sa mga bisita upang mauna sa pila, hindi tumalima sa protocol ng pagdadala ng mga medisina at hindi nirespeto ang alituntunin ng parking at regulasyon sa loob ng prison camps.
* Marso 24, 2024, si Lim ay napaka-arogante sa pagtangging makapkapan at nagbantang kakasuhan ang lahat ng personnel kung ipipilit siyang kapkapan upang masuri.
* Noong Abril 7, 2024, napaka-arogante muli ni Lim nang balewalain nito ang security protocol na sanhi ng panayam sa PDL ng De La Salle University School of Law na hindi kasama sa kanyang aprubadong kahilingan para sa donsyon at distribusyon ng pagkain.Nilabag din nito ang “Paabot” procedure nang agresibong magpumilit sa pagpasok sa piitan ng walang pahintulot at hindi sumailalim sa body frisking.Nagbanta rin siyang maghain ng reklamo laban sa Bucor personnel at
* Noong Oktubre 19, 2024, binalewala ni Lim ang itinakdang
security measures,nainip sa procedural verification, at pagkumpronta sa Corrections Officers kasama ang matataas na opisyal nang bumisita siya sa medium security camp ng NBP.
Binigyang-diin ni Catapang na ang lahat ng bisita sa kanilang operating prison and penal farms na tratuhin ng patas.
“There are procedures to follow when visiting a PDL, and we treat everyone the same. No special treatment; all are equal.”
“We have to maintain order and adhere to security protocols within the correctional system to ensure safe environment for both staff and PDLs,” sabi ni Catapang.
Nilinaw din nito ang maling pananaw sa terminong “political prisoners,” dahil lahat naman aniya ng kasalukuyang PDLs ay nahatulan ng mga krimen laban sa estado. (Bhelle Gamboa)
