OFW Dependents puwede nang mag-apply ng scholarship sa OWWA simula sa Jul 16

Nakatakda nang magbukas ang online application para sa Education for Development Scholarship Program (EDSP) at OFW Dependent Scholarship Program (ODSP) ng Overseas Workers Welfare Administration o OWWA.

Ayon sa OWWA ang aplikasyon ay maaaring isumite simula July 16 hanggang 31.

Pinayuhan ng OWWA ang mga depedent ng OFWs na siguraduhing handa ang mga requirements para sa online application.

Kailangan ding tiyakin na “active” ang membership sa OWWA ng OFW na magulang o legal guardian ng aplikante.

Sa sandaling maisumite na ang aplikasyon kailangan lamang hintayin ang email o text mula sa OWWA. (DDC)