DTI nagbabala sa publiko sa ilegal na online raffle
Binalaan ng Department of Trade and Industry o DTI ang publiko na maging maingat sa pagsali-sali sa mga pa-raffle, draw at iba pang aktibidad sa online platforms.
Ayon sa DTI, dapat tiyakin muna na lehitimo ang sinasalihang raffle o promo.
Paliwanag ng ahensya, hindi nito sakop ang mga gambling activities kabilang o online betting at iba pang gaya nito gayunman ang mga pa-raffle na ginagamit para sa sales promotion ay dapat mayroong permit sa DTI.
Ayon sa ahensya, maaaring malaman kung lehitimo ang promo sa pamamagitan ng iRegis website ng agensya.
I-click lamang ang “search”, piliin ang “Sales Promotion Permit”, ilagay ang permit at series numbers at saka muling pindutin ang “search”. (DDC)
