Mga batang biktima ng karahasan bibigyan ng kompensasyon

Bubuo ang Department of Social Welfare and Development at Department of Justice ng referral system para mabigyan ng kompensasyon ang mga batang biktima ng karahasan at nasa ilalim ng kostodiya ng Residential Care Facilities (RCFs).

Ayon kay DSWD spokesperson Assistant Secretary Irene Dumlao, ang mga batang biktima ng mararahas na krimen ay bibigyan ng tulong-pinansyal para magamit nila sa kanilang treatment, therapy, legal fees, pag-aaral at iba pang basic needs.

Batid aniya ng pamahalaan na ang mga batang biktima ng karahasan ay nangangailangan ng long-term healing at recovery.

Lumagda ang DSWD at ang Bureau of Claims ng DSWD para maisakatuparan ang Victim Compensation Program o VCP.

Sa ilalim ng kasunduan, ang DSWD ang magre-refer ng mga batang biktima na maaaring matulungan ng DOJ para mapagkalooban ng kopmensasyon.

Sakop ng programa ang mga batang biktima ng rape, torture, enforced and involuntary disappearance, trafficking in persons, at online sexual abuse and exploitation. (DDC)