Greek-owned vessels iiwas sa mga high-risk area para maprotektahan ang mga Pinoy crew
Nakipagpulong si Migrant Workers Secretary Hans Leo Cacdac sa Greek government para masiguro ang proteksyon ng mga Pinoy seafarers na nagtatrabaho sa Greek-owned vessels.
Sa pulong sa sa DMW office, tiniyak ni Greece Ambassador to the Philippines, Ioannis Pediotis ang suporta ng kanilang pamahalaan sa mga Filipino seafarers.
Tiniyak din ng ambassador na suportado ng pamahalaan ng Greece ang regulasyon ng Pilipinas sap ag-reroute ng mga barko para maiwasan ang pagdaan sa high-risk areas at war-like areas.
Kinikilala din ng Greece ang karapatan ng mga marinong Pinoy na tumangging maglayag kung alam nilang dadaan sa delikadong lugar gaya ng Red Sea at Gulf of Aden ang kanilang barko.
Sa nasabing pulong igniit ni Cacdac na mahalaga ang pagtutulungan ng Pilipinas at Greek Government para mahikayat ang shipowners na palaging unahin ang kapakanan ng kanilang mga crew. (DDC)
