OCD Region 3, MIMAROPA inalerto sa isasagawang rocket launch ng China

Inalerto ng National Disaster Risk Reduction and Management Council o NDRRMC ang regional offices nito sa Region 3 at MIMAROPA kaugnay sa isasagawang rocket launch ng China.

Ayon sa abiso ng NDRRMC, posibleng isagawa ang paglulunsad ng Long March 7 Rocket ng China sa July 15 hanggang 16, 2025 at maaaring may mga mahulog na debris mula dito.

Kabilang sa tinukoy na drop zones ng NDRRMC ang bahagi ng Cabra Island sa Occidental Mindoro, bahagi ng Recto Bank, Busuanga Palawan, at Bajo de Masinloc.

Paalala ng Philippine Space Agency sa publiko iwasang hawakan, kuhanin o lapitan kung may makikita silang mahuhulog na debris para hindi sila malantad sa toxic substances, sa halip ay agad itong iulat sa mga otoridad.

Inabisuhan din ang Philippine Coast Guard (PCG), Bureau of Fisheries and Aquatic Resources (BFAR), and Department of Environment and Natural Resources (DENR)-NAMRIA na ikunsidera ang apgpapatupad ng temporary restrictions at magpalabas ng Notice to Mariners at Coastal Navigational Warnings sa mga tukoy na drop zones. (DDC)