MMDA nagbabala sa pekeng class suspension

Binalaan ng Metropolitan Manila Development Authority o MMDA ang publiko sa mga pekeng anunsyo ng class suspension sa social media.

Ito ay makaraang kumalat ang “WALANG PASOK” advisory sa Facebook gamit ang logo ng MMDA na nagsasabing suspendido ang klase ngayong Lunes, July 14.

Ayon sa MMDA, bilang social media users dapat maging responsible at maging mapanuri sa mga nababasa sa pamamagitan ng pagsasagawa ng fact-checking.

Dapat ding maging maingat sa pagbabahagi ng mga nababasa online at huwag i-share ang mga hindi beripikadong balita at impormasyon. (DDC)