Lola na patungong Hong Kong naharang sa NAIA dahil sa bitbit na P1.2M na cash

Hinarang ng mga otoridad sa Ninoy Aquino International Airport Terminal 3 ang isang 61-anyos na lola dahil sa bitbit niyang P1.2 million na cash na hindi niya idineklara sa Bureau of Customs o BOC.

Nadiskubre ang dalang pera ng loa sa Baggage Build-Up Area, Station 3 sa nasabing terminal.

Galing Nueva Ecija ang pasahero at patungo dapat sa Hong Kong nang mapansin ng X-ray operators ang mga bundle ng cash sa kaniyang trolley bag.

Nasa kostodiya ng BOC ang pasahero at ang dala niyang cash para maisailalim sa serial number identification at karampatang imbestigasyon. (DDC)