Lalaki nasawi habang nakapila sa pamamahagi ng Emergency Cash Transfer ng DSWD sa Bulacan

Kinumpirma ng Provincial Social Welfare and Development Office ng Bulacan na may isang nasawi sa kasagsagan ng pamamahagi ng Emergency Cash Transfer ng DSWD sa bayan ng Hagonoy araw ng Sabado, July 12.

Habang nakapila sa priority lane ay sumama ang pakiramdam ni Walfredo Catajan Jr. na bagaman agad naisugod sa Ospital ay binawian din ng buhay.

Ayon sa ospital, Acute Coronary Syndrome ang ikinasawi ni Catajan.

Sa pahayag nga kapatid ni Catajan, dati na umano itong may karamdaman sa puso.

Nagpaabot naman ng pakikiramay ang DSWD at ang Provincial Government ng Bulacan sa pamilya ni Catajan. (DDC)