Pinoy kinilala bilang isa sa “best nurses” sa Italy

Nagpaabot ng pagbati ang Konsulada ng Pilipinas sa Milan sa isang Pinoy na binigyang pagkilala bilang isa sa “best nurses” Italy.

Sa pahayag ng Konsulada, ang 37-anyos na si Edi Cipre, tubong Batangas at ngayon ay naka-base na sa Italy ay tumanggap ng Nursing Now Award mula sa National Confederation of Nursing Associations of Italy (CNAI) sa isinagawang seremonya sa Italian Senate sa Rome.

Nagtapos si Cipres ng kursong Bachelor of Science in Nursing sa Pilipinas at dumating sa Italy noong 2011 at nagtrabaho bilang caregiver, Zumba instructor, event organizer, at singer.

Ngayon ay nagtatrabaho si Cipres bilang registered nurse sa Emergency Room ng ospital sa Italya.

Miyembro din si Cipres ng Commission on Migrants of Padova. (DDC)