Manila Mayor Isko Moreno nakiusap sa BIR; utang sa buwis ng LGU aabot sa P491M

Binisita ni Manila Mayor Isko Moreno Domagoso si Bureau of Internal Revenue Commissioner Jun Lumagui.

Ito ay para pakiusapan ang kalihim na repasuhin ang pagkakautang sa buwis ng Pamahalaang Lungsod ng Maynila.

Batay sa ulat ng Commission on Audit (COA), umabot na sa P491.1 milyon ang unremitted taxes ng lungsod sa BIR.

Pero ayon sa BIR, mas malaki pa sa halagang ito ang kabuuang utang ng City Hall.

Hiniling naman ng alkalde kay Lumagui na magtalaga ng isang team mula sa BIR para magsagawa ng masusing pag-audit at matukoy ang totoong halaga ng pagkakautang ng City LGU. (DDC)