Bagong Disaster Command Center ng DSWD, itatayo sa Clark

Nakatakdang itayo ang Regional Disaster Response Command Center at warehouse ng Department of Social and Development o DSWD sa Clark International Airport Complex.

Pinangunahan nina DSWD Secretary Rex Gatchalian, DSWD Field Office 3 Regional Director Venus Rebuldela, at Clark International Airport Corporation President at CEO Joseph Alcazar ang paglagda sa kasunduan para sa pagtatayo ng paslidad.

Layunin nitong palakasin at pabilisin ang paghahatid ng tulong ng ahensya sa panahon ng kalamidad.

Sa sandaling matapos ang konstruksyon, mas mapapabilis ang pag-preposition at distribusyon ng relief items sa mga rehiyon sa Central at Northern Luzon. (DDC)