P45M na halaga ng hindi rehistradong vape products nasabat sa Bulacan; 2 arestado

Arestado ng PNP-CIDG Northern District Field Unit ang dalawang suspek makaraang mahuluhan ng kahon-kahong vape products na hindi rehistrado sa Department of Trade and Industry o DTI sa Baliwag, Bulacan.

Kinilala ng CIDG ang naarestong mga suspek na sina alyas “Rhizmel” at alyas “Anne,” na kapwa sangkot sa ilegal na pagbebenta ng unregistered vape products.

Nakumpiska sa kanila ang 140 boxes ng iba’t ibang uri ng vaporized products, 23 boxes ng Spark Pods, 98 boxes ng Spark Pod Juice, 104 boxes ng Spark Pod Refills, mga resibo at iba pang ebidensya.

Ayon sa CIDG aabot sa P45 million ang halaga ng mga nakumpiskang hindi rehistadong vape products.

Sinampahan na ng reklamong paglabag sa Republic Act No. 11900 o Vaporized Nicotine and Non-Nicotine Products Regulation ang mga suspek. (DDC)