Wage Distortion dulot ng iiral na wage hike sa NCR pinareresolba sa employers

Pinatitiyak ng National Wages and Productivity Board o NWPC sa mga employer na mareresolba ang pagkakaroon ng wage distortion sa sandalling umiral na ang P50 wage hike sa daily minimum wage sa Metro Manila.

Ayon sa NWPC, nagkakaroon ng Wage Distortion kapag ang sahod ng mga minimum wage earner ay pumantay o naabutan na ang sahod ng susunod na lebel ng wage structure ng isang kumpanya.

Ipinaliwanag ng NWPC na kapag mayroong Wage Distortion ay marapat lamang na gawan ito ng paraan ng mga employer sa pamamagitan ng pag-adjust sa apektadong wage levels upang maitugma ito sa umiiral na minimum wage.

Simula sa July 18 ang minimum wage sa NCR para sa non-agriculture sector ay magiging P695 na. Habang P658 naman sa agricultural sector, sa retail establishments na mayroong 15 empleyado pababa at sa manufacturing establishments na mayroong 10 empleyado pababa. (DDC)