Dave Gomez bilang bagong PCO Secretary kumpirmado na – Usec. Castro
Kinumpirma ni Palace press officer Claire Castro ang paghirang kay Dave Gomez bilang bagong Presidential Communications Office o PCO Secretary.
Si Gomez ang magiging ikalimang PCO Secretary sa sa ilalim ng administrasyon ni Pangulong Ferdinand Marcos Jr.
Papalitan ni Gomez si Jay Ruiz na ayon kay Castro ay magiging bahagi ng board of directors ng Manila Economic and Cultural Office o MECO.
Ang MECO ay kasalukuyang pinamumunuan ni dating PCO Sec. Cheloy Garafil.
Samantala, inanunsyo din ni Castro ang pagtalaga ni Pangulong Marcos kay Sharon Garin bilang kalihim ng Department of Energy o DOE. (DDC)
