Tangkang pagharang ng China na maipalabas sa New Zaland and documentary na tumatalakay sa West PH Sea kinondena ng NSC

Nagpahayag ng pagkabahala ang National Security Council (NSC) sa tangkang pagharang na maipalabas sa isang Film Festival sa New Zealand ang documentary na tumatalakay sa West Philippine Sea.

Binanggit ni NSC Adviser Secretary Eduardo Año sa isang pahayag ang aniya ay paggamit ng diplomatic pressure para makansela ang screening ng documentary na “Food Delivery: Fresh from the West Philippine Sea” sa Doc Edge Film Festival sa nasabing bansa.

Malinaw ayon kay Año na pagtatangka ito ng China para pigilan na malantad ang katotohanan sa sitwasyon sa West Philippine Sea at ang araw-araw na dinaranas ng mga mangingsdang Pinoy.

Tiniyak ni Año ang suporta sa Filmmaker na si Babyruth Villarama at sa producers ng dokumentaryo na magsisilbing boses para patuloy na madepensahan ang soberanya ng bansa

Pinury din ni Año ang Doc Edge Film Festival sa paninindigan nito at hindi pagpayag na maharang ang screening ng “Food Delivery”. (DDC)