P1.36M na halaga ng ‘shabu’ nasabat sa Pasay City, 3 HVIs nadakip ng SPD operatives

Tinatayang 200 na gramo ng hinihinalang shabu na nagkakahalaga ng P1,360,000.00 ang nakumpiska ng mga operatiba ng Southern Police District’s District Drug Enforcement Unit (DDEU) at naaresto ang tatlong bagong natukoy na high-value individuals (HVIs) sa kasagsagan ng buy-bust operation sa Petunia Street, Rivera Village NAIA, Barangay 199, Pasay City.

Ang mga nadakip na suspek ay kinilalang sina alyas Tol, 25-anyos; alyas Gertrics, 34-anyos; at alyas Samad, 38-anyos.

Batay sa report, ang mga tauhan ng DDEU sa koordinasyon ng District Intelligence Division, SDEU, at Sub-Station 9 ng Pasay City Police Station ay matagumpay na nakipagtransaksiyon sa mga suspek na nagresulta ng kanilang agarang pagkaaresto.

Narekober ng otoridad ang 50 na gramo ng umano’y shabu mula kay alyas Tol, aabot sa 100 gramo naman ang nakuha umano kay alyas Gertrics, at 50 gramo kay alyas Samad.

Bukod sa ilegal na droga, nasamsam din ng otoridad ang buy-bust money na ginamit sa gitna ng transaksiyon.

Dinala ang tatlong naarestong HVIs sa tanggapan ng DDEU-SPD para sa dokumentasyon at proseso habang inihahanda ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek.

Ang matagumpay na operasyon ay sumasalamin sa paninindigan ng SPD para sa agresibong kampanya kontra ilegal na droga at pangakong pagbuwag sa drug networks na kumikilos sa katimugang Metro Manila.

Nagpahayag naman ng kanyang malakas na mensahe si SPD Acting District Director BGen Randy Y Arceo.

“This operation is a concrete example of what it means to be swift, precise, and intelligence-driven in our law enforcement duties. I commend our DDEU operatives and partner units for their outstanding coordination and execution. As aligned with the directives of our Chief, PNP, Police General Nicolas D Torre III, we will continue to lead with urgency and consistency in our anti-criminality efforts. Every arrest we make is a step closer to our goal of a safer, drug-free Southern Metro.

Let this send a strong and clear message to those who continue to peddle illegal drugs: you will be caught. SPD remains active, able, and allied in the fight against the drug menace, ” diin ni BGen Arceo. (Bhelle Gamboa)