P749M na halaga ng shabu nadiskubre sa loob ng balikbayan boxes sa MICP

Natuklasan ng mga tauhan ng Philippine Drug Enforcement Agency (PDEA) at Bureau of Customs (BoC) ang mahigit 110 na kilo ng hinihinalang ilegal na droga na nasa loob ng apat na balikabyan boxes sa Manila International Container Port in Tondo, Manila.

Ang mga shabu na tinatayang aabot sa P749 million ang halaga ay itinago sa mga kahon ng cereal, snack packs, at instant noodles na dumating sa Pilipinas galing ng California.

Paulit-ulit pa na binalot ang mga kargamento para maiwasang ma-detect ang totoong laman nito.

Naka-address ang mga kahon sa recipients nito sa Mandaluyong at Quezon City.

Ayon sa PDEA, isasailalim sa laboratory analysis ang lahat ng nakumpiskang mga ebidensya. (DDC)