1 sa 3 nasugatan sa pagsabog sa pagawaan ng bala sa Marikina City, pumanaw na

Pumanaw na ang isa sa tatlong nasugatan sa pagsabog na naganap sa pagawaan ng bala sa Brgy. Fortune, Marikina City.

Ayon kay Marikina City Chief of Police Col. Geoffrey Fernandez, pumanaw ang isa sa mga biktima 5:15 ng hapon ng Lunes, July 7 sa Amang Rodriguez Hospital matapos magtamo ng malubhang sugat sa kaniyang dibdib dahil sa pagsabog.

Ang dalawa pang biktima na nasugatan sa kamay ang isa at ang isa naman ay nasugatan sa mata ay kapwa ginagamot pa

Sa inisyal na imbestigasyon ng Marikina City Police, gumagawa ng mga bala ang mga biktima nang biglang sumabog ang binuksan nilang kahon na may lamang primer o component sa paggawa ng bala. (DDC)