DSWD nanawagan sa publiko na igalang ang karapatan ng mga PWD – visible man o hindi ang kanilang kapansanan

Nagpaalala ang Department of Social Welfare and Development (DSWD) sa publiko na may karapatan sa benepisyo at pribilehiyo ang lahat ng persons with disabilities (PWDs) visible man o hindi ang kapansanan ng mga ito.

Ginawa ni DSWD Asst. Secretary Irene Dumlao ang paalala makaraang isang PWD na mayroong non-apparent disability ang umani ng batikos nang siya ay umupo sa priority seat sa LRT-1.

Sinabi ni Dumlao na hindi ibig sabihin na hindi nakikita ang disability ay nangangahulugang hindi ito nag-eexist dahil maarami aniya ang mayroong kondisyon na hindi nakikita pero ang totoo ay may impact ang kanilang kapansanan sa pang-araw araw nilang pamumuhay.

Nag-viral kamakailan ang post sa Facebook ng isang PWD na mayroong “congenital cataract” at ang kaniyang eyeglass lens grade ay umaabot sa mahigit 1,150 para sa parehong mata.

Ang nasabing PWD ay pinaringgan ng mga kapwa niya pasahero makaraang umupo siya sa priority seat sa bagon ng LRT-1. (DDC)