Ilang mga operators hirap mabayaran ang utang na pinambili nila sa modern jeep sa ilalim ng PUV modernization program

Makikipagpulong ang Land Transportation Franchising and Regulatory Board (LTFRB) sa government financing institutions (GFIs) para matulungan ang mga operator ng modernized jeepney na hirap makabayad sa kanilang loan sa ilalim ng Public Transport Modernization Program (PTMP).

Ayon kay LTFRB chair Teofilo Guadiz III, kailangang pag-usapan ng ahensya kasama ang Land Bank of the Philippines at Development Bank of the Philippines, gayundin ang iba pang financing institutions ang problema ng mga operator na hirap makabayad ng kanilang loan sa pagbili nila ng modernized units,

Sinabi ni Guadiz na hihilingin nila sa mga GFI na magbigay ng flexible loan terms, grace periods o iba pang posibleng solusyon.

Naniniwala naman si Guadiz na magbibigay ng moratorium ang mga bangko para mapagaan ang payment terms o payment schemes ng mga nakabili ng modern jeep. (DDC)