PUVs inatasan ng DOTr na mahigpit na sundin ang “Anti-Sardinas” policy

Inatasan ni Department of Transportation (DOTr) Sec. Vivencio B. Dizon na mahigpit na sundin ang “𝗔𝗻𝘁𝗶-𝗦𝗮𝗿𝗱𝗶𝗻𝗮𝘀” o ang pagbabawal sa overloading ng mga pasahero sa mga pampublikong sasakyan.

Kaugnay nito ay pinaalalahanan ng Land Transportation Franchising and Regulatory Board (LTFRB) ang lahat ng 𝗣𝘂𝗯𝗹𝗶𝗰 𝗨𝘁𝗶𝗹𝗶𝘁𝘆 𝗩𝗲𝗵𝗶𝗰𝗹𝗲 (𝗣𝗨𝗩𝘀) 𝗼𝗽𝗲𝗿𝗮𝘁𝗼𝗿𝘀 na istriktong sundin ang allowable passenger capacity sa kanilang PUVs batay sa umiiral na polisiya:

Sa mga UV Express, ang mga bumibiyaheng AUV gaya ng Mitsubishi Adventure, Isuzu Crosswind/Highlander ay hanggang 9 lang dapat ang sakay kasama ang driver; ang Regular Vans gaya ng Toyota Hi-Ace at Nissan Urvan Shuttle, Hyundai Grace ay hanggang 10 lang ang sakay; ang Extended Vans naman gaya ng Nissan Urvan at Toyota Hi-Ace Commuter ay hanggang 12 lang ang sakay.

Para sa mga PUJ, ang mga traditional na jeep ay 12 hanggang 32 pasahero lang dapat depende kung ilanan ang jeep; ang mga Modern Jeep ay 12 hanggang 32 pasahero din at ang mga nakatayong pasahero ay hindi dapat lalagpas sa 5 person per square meter.

Para sa mga pampasaherong bus, 50 pasahero o higit pa basta’t hindi lalagpas sa allowable maximum capacity depende sa laki ng bus at ang mga nakatayong pasahero ay hindi dapat lalagpas sa 5 person per square meter. (DDC)