Bacteria na nagdudulot ng sakit na leptospirosis kayang pasukin maging kaliit-liitang sugat ayon sa DOH
Dahil sa araw-araw na pag-ulan na nararanasan, patuloy ang paalala ng Department of Health (DOH) sa publiko laban sa sakit na leptospirosis.
Ayon kay DOH Spokesperson Albert Domingo, ang bacteria na nagdudulot ng leptospirosis ay kayang pasukin maging ang kaliit-liitang sugat sa katawan.
Ito aniya ang dahilan kaya dapat mag-doble ingat ang publiko dahil kahit maliit na galos lamang o gasgas na parang balewala lamang ay kayang pasukin ng bacteria.
Paalala ng DOH, kung hindi maiiwasang lumusong sa tubig-baha ay agad maghugas gamit ang sabon at malinis na tubig.
Ngayong tag-ulan patuloy na binabantayan ng DOH ang sakit na leptospirosis at iba pang weather-induced diseases gaya ng influenza-like illnesses, dengue, at waterborne diseases. (DDC)
