252 na colorum na sasakyan nahuli ng LTO noong Hunyo

Sa loob ng isang buwan, umabot sa 252 na mga sasakyan ang nahuli ng Land Transportation Office (LTO) dahil sa pagiging colorum.

Pero para kay Land Transportation Office (LTO) acting chief, Atty. Greg G. Pua, Jr., mababa ang naturang bilang ng mga nahuling colorum para sa isang buong buwan ng Hunyo.

Sinabi ni Pua na maaaring matagumpay ang kampanya ng LTO kaya ang mga tsuper at operator ay hindi na gumagamit ng colorum na sasayan, o ‘di kaya naman ay magaling pa ring makalusot ang mga driver ng colorum kaya hindi nahuhuli ng otoridad.

Kaugnay nito ay tniyak ni Pua na mas palakakasin pa ang kampanya ng LTO laban sa mga kolorum na sasakyan katuwang ang iba pang law enforcement agencies.

Sinabi din ng opisyal na malaking papel ang ginagampanan ng publiko sa disiplina sa kalsada kaya umapela ito sa mga commuter na huwag tangkilikin ang mga kolorum na sasakyan. (DDC)