P1K allowance sa bawat estudyante, fake news ayon sa DepEd

P1,000 ALLOWANCE SA BAWAT ESTUDYANTE, FAKE NEWS AYON SA DEPED

Pinag-iingat ni Department of Education (DepEd) Sec. Sonny Angara ang publiko sa ipinakakalat na fake news online tungkol sa umano ay monthly allowance para sa mga mag-aaral.

Sa nasabing post, nakasaad na ng DepEd ay magbibigay ng P1,000 na buwanang allowance sa mga mag-aaral sa elementarya, Junior Highschool, Senior Highschool at maging sa Kolehiyo.

Nakasaad pa sa post na ngayong buwan ng Hulyo ang pamamahagi ng allowance.

Ayon kay Angara, walang katotohanan hinggil sa nasabing post.

Pinaalalahanan din ng kalihim na huwag basta-basta maniniwala at huwag i-click ang mga link na laman ng nasabing pekeng mensahe. (DDC)