DepEd nagpasalamat sa DOTr sa mga ipinatutupad na hakbang sa rail lines na pinakikinabangan ng mga estudyante

Nagpasalamat ang Department of Education (DepEd) sa inisyatiba ng Department of Transportation (DOTr) sa mga ipinatutupad nitong hakbang sa rail lines na pinakikinabangan ng mga mag-aaral.

Kabilang dito ayon kay DepEd Sec. Sonny Angara ang pagpapatupad ng 50 percent na diskwento sa pamasahe para sa mga estudyante at ang pagtatakda ng dedicated lanes sa mga mag-aaral na sumasakay ng MRT-3 at LRT-2.

Ayon kay Angara, pagpapakita ito ng pagpapahalaga ng adminsitrasyong Marcos sa mga kabataan.

Dagdag pa ng kalihim, dahil sa mga inisyatibong ito ay “hassle-free” na ang pagco-commute ng mga estudyante.

Hinikayat ni Angara ang mga estudyante na i-avail ang diskwento. Kialngan lamang ipakita ang school ID o proof of enrollment sa pagbili ng Single Journey Ticket para makakuha ng 50 percent discount. (DDC)