Mahigit P400K na halaga ng tulong naipamahagi ng DSWD sa mga naapektuhan ng pagbaha sa Regions 9 at 11

Nagkaloob ang Department of Social Welfare and Development (DSWD) ng mahigit P408,000 na halaga ng tulong sa mga naapektuhan ng pag-ulan dulot ng Habagat sa Mindanao.

Ayon sa DSWD, mayroong mahigit 3,700 na katao o mahigit 1,100 na pamilya mula sa 10 barangay sa Regions 9 at 11 ang naapektuhan.

Sa nasabing bilang, mahigit 2,000 na katao pa ang nanunuluyan pansamantala sa mga evacuation center.

Ayon sa DSWD, patuloy ang pamamahagi ng Family Food Packs at non-food items sa mga apektadong pamilya. (DDC)