3 patay 1 sugatan sa sunog sa San Mateo, Rizal

Tatlo ang nasawi at isa ang sugatan sa sunog na sumiklab sa isang bahay sa San Mateo Rizal.

Nangyari ang sunog sa Sta. Maria Phase 4 Subdivision Barangay Ampid 1 pasado ala-una ng madaling araw ng Linggo, July 6.

Umabot sa unang alarma ang sunog at ideneklarang fire out bandang 2:50 ng madaling araw.

Ayon kay Barangay Disaster Risk Reduction and Management Office (BDRRMO) Deputy Chief Cecilio Ebuenga, ang mga biktima ay natagpuan sa loob ng C.R ng bahay.

Ang isang nasugatan naman ay tumalon sa terrace ngunit nagtamo ito ng 1st degree burn at kasalukuyang nagpapagaling sa East. Avenue Medical Center.

Patuloy pa ang imbestigasyon sa kung ano ang sanhi ng sunog. (DDC)