Sen. Bam Aquino nanawagan ng malalimang imbestigasyon sa chemical leak sa Antique na nakaapekto sa daan-daang estudyante

Nanawagan ng malalimang imbestigasyon si Senator Bam Aquino sa nangyaring chemical leak sa Antique na naging dahilan para maospital ang maraming estudyante.

Ayon sa senador, dapat may managot sa insidente na nakaapekto 286 na mag-aaral ng Pis-anan National High School at Pis-anan Elementary School.

Panawagan ni Aquino sa karampatang ahensya ng gobyerno, magsagawa ng imbestigasyon at alamin kung sino ang nasa likod ng insidente.

Hiniling din ni Aquino sa Department of Health (DOH) na tiyaking maibibigay ang karampatang suporta sa lalawigan ng Antique para matulungan ang mga apektadong mag-aaral.

Noong Miyerkules ay nakaranas naospital ang mga estudyante ng nasabing paaralan matapos mahilo at magsuka nang malanghap ng amoy ng kemikal. (DDC)