Mahgit 21 toneladang basura nahakot ng MMDA sa pumping station sa Quiapo

Mahigit 21 tonelada ng basura ang nahakot ng mga tauhan ng MMDA Flood Control and Sewerage Management Office sa Quiapo Pumping Station sa Maynila.

Ito ay kasunod ng pagkakaroon ng problema sa koleksyon ng basura sa lungsod.

Gamit ang payloader at dump trucks, hinakot ng MMDA ang mga basura sa pumping station at sa daluyan ng tubig malapit dito.

Ayon sa MMDA, kailangang alisin kaagad ang halo-halong basura sa pumping station dahil bumababa ang kakayahan ng pasilidad sa pagbomba ng tubig dahil sa basura.

Ilang araw nang tumutulong ang MMDA sa paghahakot ng tambak na basura sa mga lansangan ng Maynila. (DDC)