2 barko nagbanggaan sa Port of Lucena – PCG

Rumesponde ang Philippine Coast Guard (PCG) sa banggaan ng dalawang barko sa Port of Lucena sa Brgy. Ralao-Talao, Lucena City, Quezon.

Ayon sa PCG, nangyari ang head-on collision sa pagitan ng MV Peñafrancia VI at FV Sr. Fernando II umaga ng Huwebes, July 3.

Patungo ang MV Peñafrancia VI sa Balanacan Port, Marinduque galing ng Lucena habang ang FV Sr. Fernando 2 ay kararating lang ng Lucena galing naman ng Tayabas Bay.

Ligtas naman lahat ng 18 crew at 82 pasahero ng MV Peñafrancia gayundin ang 16 na crew ng FV Sr. Fernando., gayunaman, kapwa nagtamo ng pinsala ang dalawang barko.

Sa ginawang pagsusuri ng PCG, hindi naman nagdulot ng oil spill sa lugar ang insidente. (DDC)