P8.3M na halaga ng smuggled na sigarilyo nakumpiska sa Bacolod City; 3 katao aresto
Arestado ang tatlong katao matapos mahulihan ng P8.3 milyong halaga ng smuggled na sigarilyo sa ikinasang anti-smuggling operation sa Old Airport, Barangay Tangub, Bacolod City.
Isinagawa ang operasyon ng mga tauhan ng 4th Special Operations Unit – Maritime Group, katuwang ang lokal na pulisya sa lugar.
Huli ang mga suspek habang dala ang ilang kahon ng hinihinalang smuggled na sigarilyo at nang hingan ng mga dokumento ay bigo ang mga itong patunayan na nabayaran ang karampatang buwis para sa mga produkto.
Mahaharap sila sa kasong paglabag sa Section 1401 ng Republic Act 10863 o Customs Modernization and Tariff Act at Republic Act 10643 o Graphic Health Warning Law. (DDC)
