Dalawang Street Level Individuals naaresto sa Taguig City, 25 na gramo ng ‘shabu’ nakumpiska

Dalawang bagong natukoy na street-level individuals (SLIs) na sangkot umano sa aktibidad ng ilegal na droga ang naaresto ng District Drug Enforcement Unit (DDEU) ng Southern Police District sa koordinasyon ng District Intelligence Division (DID) at Sub-Station 11 ng Taguig City Police Station, at nagresulta ng pagkakumpiska ng 25 na gramo ng umano’y shabu sa gitna ng buy-bust operation sa Sampaloc Street, Barangay Cembo sa lungsod.

Ang mga naarestong suspek ay kinilalang sina alyas Rodolfo, 45-anyos, at alyas Gian Carlo, 39-anyos.

Sa kasagsagan ng operasyon ng otoridad, nakabili umano ang police poseur buyer ng umano’y shabu sa isa sa mga suspek na nagesulta ng kanilang agarang pagkaaresto.

Narekober sa dalawang suspek ang hinihinalang shabu na nagkakahalaga ng P170,000.

Mahaharap ang mga suspek s kasong paglabag sa Comprehensive Dangerous Drugs Act of 2002.

Ang operasyong ito ay parte ng maigting na kampanya kontra ilegal na droga ng SPD sa ilalim ng liderato ni BGen Randy Y. Arceo at sumasalamin sa matibay na paninindigan ng District na wakasan ang street-level drug activities at papanagutin sa batas ang mga drug offenders. Patuloy ang SPD sa pangako nitong proactive enforcement efforts upang tiyaking ligtas at seguridad ng mga komunidad sa nasasakupang lugar. (Bhelle Gamboa)