Mayor Isko Moreno humiling ng dalawang buwan na palugit sa Meralco, Maynilad, Manila Water at Telecom companies sa gitna ng P113.6M na pagkakautang

Umapela si Manila City Mayor Francisco “Isko Moreno” Domagoso sa power at water utilities at telecommunications companies na huwag putulan ng suplay ang lungsod sa gitna ng malaking pagkakautang ng City LGU dahil sa hindi nabayarang bills.

Nakipagdayalogo sa kumpanya si Moreno matapos makatanggap ang City Hall ng disconnection notices para sa hindi nabayarang bills na umaabot sa P113,596,710 para sa kuryente, tubig at internet services sa mga paaralan, ospital at iba pang pasilidad ng city government.

Dumalo sa dayalogo ang mga kinatawan ng Meralco, Maynilad, Manila Water, PLDT, Globe Telecom, Smart Communications, Converge ICT, at Cignal TV.

Hiningi ng alkalde ang pang-unawa ng nasabing mga service provider at umapela na mabigyan sila ng dalawang buwang palugit para mabayaran ang pagkakautang sa sa mga bill. (DDC)