Hirit ng DILG na mabigyan ng kapangyarihan sa pag-suspinde ng klase, pag-aaralan ng Malakanyang

Pag-aaralan ni Pangulong Ferdinand R. Marcos Jr. ang hiling ni Department of the Interior and Local Government (DILG) Sec. Jonvic Remulla na bigyan ng kapangyarihan ang ahensya na magsuspinde ng klase sa panahon ng bagyo at iba pang sakuna.

Sinabi ito ni Presidential Communications Office Usec. Claire Castro sa press briefing ng Malakanyang.

Una nang iginiit ni Remulla na mas Mabuti na magkaroon ng centralized authority ang DILG para sa tama at napapanahong koordinasyon sa mga lokal na pamahalaan sa bansa.

Pero sa ngayon sinabi ni Castro, mananatiling ang anunsyo ng mga lokal na pamahalaan ang magiging batayan sa pagsuspinde ng klase.

Hinikayat din ni Castro ang mga LGU na agahan ang pag-aanunsyo ng suspensyon ng klase para maiwasan ang mga insidente na ang mga bata ay nasa paaralan na o nakapasok na bago mailabas ang class suspension. (DDC)