BJMP at BuCor planong pag-isahin na lang ayon sa DILG

Pinag-aaralan na ng pamahalaan na pag-isahin na ang Bureau of Jail Management and Penology (BJMP) at ang Bureau of Corrections (BuCor).

Sa 34th Anniversary Celebration ng BJMP sa Quezon City, sinabi ni Department of the Interior and Local Government (DILG) Secretary Jonvic Remulla, na pinag-aaralan na ang panukala at idadaan ito sa konsultasyon.

Isa aniya ito sa mga hakbang para maibsan ang overcrowding sa jail facilities.
Samantala, pinuri ni Remulla ang BJMP sa gampanin nito para mapabuti ang buhay ng mga Persons Deprived of Liberty (PDLs).

Sinabi ni Remulla na bumaba na ang national jail congestion mula sa 314 percent noong 2024 patungo sa 296 percent ngayong taon.

Naideklara din ng BJMP ang 230 facilities nito bilang drug-free. (DDC)