Comelec iniutos ang agarang proklamasyon kay Eric Yap bilang nanalong kongresista sa Benguet

Naglabas ng Certificate of Finality ang Commission on Elections (Comelec) para bigyang-daan ng proklamasyon ni Eric Yap bilang nanalong Kongresista sa Lone District ng Benguet.

Kaugnay ito ng naging pasya ng Comelec 2nd Division na nagbabasura sa petisyon laban sa kandidatura ni Yap.

Sa sertipikasyon na inilabas ng Comelec, binawi na ang suspensyon sa proklamasyon ni Yap at inatasan ang Provincial Board of Canvassers ng Benguet na mag-reconvene para sa maiprokalama ang nanalong kongresista.

Ayon sa petitioner na si Franklin Tino dapat mapawang-bisa ang Certificate of Candidacy ni Yap dahil ang kaniyang mga magulang ay parehong hindi Filipino at mas matagal ding nanirahan sa China si Yap.

Pero ayon sa Comelec, nabigo si Tino na patunayan ang akusasyon at walang sapat a basehan para kanselahin ang COC ng kongresista. (DDC)