Justice Marvic Leonen pinaaaksyunan sa IBP ang korapsyong kinasasangkutan ng mga abogado

Nanawagan si Supreme Court Senior Associate Justice Marvic Leonen sa mga bagong halal na Board of Governors ng Integrated Bar of the Philippines (IBP) na aksyunan ang korapsyon na kinasasangkutan ng mga abogado.

Ginawa ni Leonen ang panawagan sa idinaos na Oath Taking Ceremony ng 27th IBP Board of Governors sa Session Hall ng Korte Suprema.

Ayon kay Leonen wala dapat puwang ang korapsyon sa hudikatura at ang pagsugpo nito ay dapat pangunahin at agarang agenda ng mga mahistrado, hukom at mga abogado.

Ang mga abogado ayon kay Leonen ay tapagsulong ng hustisya at ang pagsasawalang-bahala sa korapsyon ay taliwas sa tunay na layunin ng kanilang propesyon. (DDC)