Mayor Isko Moreno hihilingin sa Meta na makuha ang access sa Manila PIO Facebook page

Susulat ang Manila City Government sa pamunuan ng Meta para mabawi ang Facebook Page ng Manila Public Information Office.

Ayon kay Manila Mayor Isko Moreno Domagoso, “hinostage” ang naturang FB page at hindi nila ngayon ma-access.

Nais ng alkalde na mailipat ang administrasyon ng Facebook page sa bagong itinalagang City Public Information Officer ng Lungsod ng Maynila, na si Directro E-jhay Talagtag.

Ayon kay Moreno, mahalagang mabawi ito ng City LGU dahil kakailanganin ito ng lungsod para sa pagpapakalat ng impormasyon sa panahon ng krisis at kalamidad.

Tiniyak naman ng alkalde na kakasuhan ang mga dating admin ng page dahil ang official F page ng Manila PIO ay pag-aari ng pamahalaang lungsod. (DDC)